Qayerda: Avstraliya
Kim uchun: Bakalavriat, magistratura va Phd bosqichida o’qishni xohlovchilar uchun
Hujjat topshirish muhlati: Stipendiyali dasturlarga qarab farq qiladi
Umumiy ma’lumot: Avstraliyaning Deakin universiteti xalqaro va mahalliy yoshlar uchun kontrakt pulidan ozod qiluvchi va kontrakt pulining ma’lum qismini qoplab beruvchi bir qancha dasturlar taqdim etadi. Ushbu dasturlardan maqsad – iqtidorli talabalarni iqtisodiy jihatdan qo’llab quvvatlash.
O’qish sohasi: Nomzod universitetda mavjud bo’lgan har qanday sohani tanlashi mumkin.
Iqtisodiy ta’minot: Deakin universiteti talabalarga bir qancha stipendiyali dasturlarni taklif etadi.
1-dastur: Deakin Vice-Chancellor’s International Scholarship. Ushbu dastur xalqaro talabalarga:
– kontrakt to’lovini 100 foiz miqdorida yoki;
– 50 foiz miqdorida qoplab berishni hamda o’qish materaillari uchun ketadigan xarajatlarni to’lab berishni nazarda tutadi. Dasturga bakalavriat, magistratura va PhD bosqichida o’qishni xohlovchilar topshirishi mumkin.
Ushbu dasturga hujjat topshirish muhlati aniq bir sana bilan belgilab qo’yilmagan.
Ushbu dastur bilan batafsil SHU YERDA tanishing.
2-dastur: Vice-Chancellor’s Academic Excellence Scholarship. Ushbu dastur bakalavr bosqichida o’qishni xohlovchi xalqaro talabalar uchun mo’ljallangan bo’lib, bunda kontrakt puli 100 foiz qoplab beriladi hamda yiliga 5000 Avstraliya dollari miqdoridagi stipendiyani taqdim etadi. Bu dasturga yiliga 26 ta talaba qabul qilinadi. Bu dasturga hujjat topshirish muhlati 2018-yilning 8-yanvarigacha.
Ushbu dastur bilan batafsil SHU YERDA tanishing.
Nomzodlarga qo’yilgan umumiy talablar:
- Nomzodlar o’zlari tanlagan yo’nalishga qabul qilish talablariga to’la mos kelishi kerak. Bu talablar bilan universitet rasmiy veb-saytiga kirib, kerakli yo’nalishni tanlash orqali tanishish mumkin.
- Nomzod Deakin universitetidagi yo’nalishlardan biriga qabul qilinishi lozim.
- Nomzod 2018-ylda o’qishni boshlashi kerak.
- Nomzod ingliz tilini talab darajasida bilishi kerak (IELTS yoki TOEFL). Ushbu talab yo’nalishlar va bosqichlarga qarab farq qiladi. Ballarga qo’yilgan talablar bilan universitet rasmiy veb-saytiga kirib, kerakli yo’nalishni tanlash orqali tanishish mumkin.
Xorijiy talabalar hujjatlarni onlayn tarzda topshiradilar.
Hujjat topshirish jarayoni bilan SHU YERDA batafsil tanishing.
Turli savollar yuzasidan enquire@deakin.edu.au email manziliga murojaat qilishingiz mumkin.
Batafsil SHU YERDA tanishing.